O proxecto de rexeneración e renovación de vías municipais que máis investimento recibirá (204.000 euros) inclúe as seguintes actuacións de mellora de accesos: Teilonxe (San Pedro de Froián), acceso á Escola da Pena (Fontela), San Xulián da Veiga, O Romeo (Maside), treitos dentro do núcleo de Manán, Currial (Maside), O Fondón (Ortoá), Ferreiros, Lamparte, acceso a Vilanova desde Mezur e A Pinza.
Os outros catro proxectos, que recibirán 48.000 euros cada un, consisten na renovación do firme da pista de acceso a Treilán desde a estrada LU-546, a renovación do firme da rúa Regata-Oural, a mellora do firme nos accesos a San Silvestre- Barbadelo e a renovación do firme da rúa Fornos. Mentres continúan os traballos de asfaltado na explanada do Chanto, tras rematar onte na contorna do Centro Deportivo Saúde Sarria. Estas tarefas acometeranse posteriormente na rúa das Ameneirizas.
O Plan Único empregarase tamén na adquisición de material e o pintado de estancias interiores da Residencia de Maiores Nosa Señora do Carme con 58.000€, 20.000 euros no Servizo de Axuda no Fogar e 48.000 euros na contratación de seis operarios durante catro meses para os departamentos de Obras, Medio Ambiente e Medio Rural.
