InicioEconomíaMonforte Emprende

Monforte Emprende

O programa Galicia Rural Emprende da Consellería de Economía, Emprego e Industria, a través do IGAPE, apoia seis novos proxectos empresariais en Monforte de Lemos promovidos por autónomos e pequenas empresas en sectores non agrarios.

Publicado o

- Advertisement -

A inversión na comarca de Lemos a través do programa Galicia Rural Emprende é de 445.000 euros, 375.000 para os proxectos de Monforte e 70.000 euros para unha inciativa no concello de Pantón.

Entre os proxectos emprendedores están a posta en marcha dun salón de peiteado canino que tamén comercializa artigos para animais de compañía, unha axencia de seguros con centro de atención telefónica e unha academia que ofrece clases de cociña infantil. Tamén serviu para a posta en marcha dun supermercado, dun centro de música e entretemento e dunha axencia de viaxes.

 A axuda prevista neste programa consiste nunha prima única de 20.000 euros que pode incrementarse ata os 70.000 euros. Os beneficiarios terán dereito a obter un anticipo do 60% da axuda total. Nos próximos meses a Xunta espera a aprobar unha nova convocatoria deste programa.

Con este tipo de iniciativas preténdese apoiar aos emprendedores e ás pequenas e medianas empresas, ofrecendo recursos e instrumentos que melloren as posibilidades de éxito das iniciativas e a súa consolidación no mercado. Ao mesmo tempo, contribúese a fixar poboación nas zonas rurais e aumentar as oportunidades dos seus habitantes no eido laboral.

ÚLTIMAS

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...

6 empresas locais constrúen novas naves no Polígono dos Acivros, en Chantada

O alcalde de Chantada, Manuel Lorenzo Varela, vén de visitar o Polígono dos Acivros...

A Deputación urxe á Xunta a acometer o desdobramento da totalidade do corredor Nadela-Monforte

O Presidente da Deputación de Lugo, José Tomé Roca, evidenciou a necesidade de completar...