A gran final celebrouse este luns, 2-10-2023, coincidindo co Día da Educación Financeira, ó ser o primeiro luns do mes de outubro. A cita tivo lugar en Sevilla e puido presenciarse en directo e en streaming a través da páxina creada ao efecto para celebrar o Día da Educación Financeira.
A final foi seguida intensamente dende o IES Río Cabe que instalou unha pantalla na entrada retransmitindo o concurso. O alumnado tivo que facer fronte a preguntas financeiras relacionadas cos xuros bancarios, accións, contas bancarias e compras de produtos con descontos.
Concurso de Coñecementos Financeiros 2023 IES Río Cabe gañador / IES Río Cabe
O éxito do alumnado do IES Río Cabe foi resaltado pola organización, non só polos seus coñecementos se non tamén polo seu bo comportamento e actitude durante todo o concurso. Os premios consisten en 3.000 euros en material didáctico escolar para o centro gañador, unha tablet para cada alumno dos equipos finalistas e unha visita cultural ao Banco de España, a Cámara de Oro e ao Palacio da Bolsa para ambos os dous equipos que lograron chegar a esta final.
Dende a dirección do centro felicitan ao equipo gañador, “sentímonos orgullosos do alumnado e do seu profesor pola boa imaxe amosada non só da comunidade educativa do IES Río Cabe, se non tamén pola imaxe proxectada da comarca do Val de lemos, da Ribeira Sacra, da provincia de Lugo e de toda Galicia.”Dende a dirección do centro felicitan ao equipo gañador.”
Concurso de Coñecementos Financeiros 2023 IES Río Cabe gañador / IES Río Cabe
