CESUGA (Centro de Estudios Superiores Universitarios de Galicia) e o Concello de Sober presentarán este martes, 9 de abril, a primeira edición de “O encontro de Sober”, novo foro económico que segue a estela do encontro da Toxa para impulsar o desenvolvemento do medio rural galego a través da creación dun espazo estratéxico de diálogo e cooperación entre o tecido industrial e agrario, o mundo universitario e o sector público de Galicia.

O foro desenvolverá un total de 17 mesas temáticas de acceso gratuíto sobre os principais retos do futuro agro-industrial galego en sectores específicos como o lácteo, cárnico, vitivinícola, tecnolóxico, financeiro ou os das enerxías renovables, a minaría sostible, a industria forestal, o patrimonio natural , o emprendemento e a xestión do risco.