HomeEconomíaIndustria verde e sustentable, futuro económico para o rural segundo a conselleira...

Industria verde e sustentable, futuro económico para o rural segundo a conselleira Mª Jesús Lorenzana

Esta foi unha das conclusións que fixo a conselleira na clausura das xornadas O Encontro de Sober. Diálogos rural-industria.

Publicado o

POR
Redacción
- Advertisement -

A conselleira de Economía e Industria, María Jesús Lorenzana, destacou o venres10 de maio as posibilidades que ofrece o medio rural para o desenvolvemento dunha industria verde e sustentable, que aproveita de forma responsable os recursos naturais e contribúe a xerar emprego e fixar poboación.

Na clausura das xornadas O Encontro de Sober. Diálogos rural-industria, Lorenzana subliñou que industria e medio rural son perfectamente compatibles e, máis que nunca, complementarios, porque a industria que se basea en fontes renovables ten que asentarse alí onde está a materia prima.

A conselleira de Economía e Industria salientou que esa vai ser a aposta da Xunta, a través da Lei de promoción dos beneficios sociais e económicos dos proxectos que utilizan os recursos naturais de Galicia: facer un mellor aproveitamento dos recursos naturais buscando beneficios asociados á implantación na Comunidade de calquera proxecto industrial a través de fontes renovables.

Segundo dixo, trátase de incentivar que, deses proxectos se deriven postos de traballo, se fomente a industria local, e un prezo eléctrico competitivo para as empresas e accesible para os fogares. E, para iso, o labor da Sociedade Recursos de Galicia (RDG) vai se fundamental, engadiu.

Desta sociedade, ademais da Xunta (32%), forman parte unha trintena de empresas que sosteñen más de 21.000 empregos directos e achegan anualmente ao PIB autonómico máis de 10.500 M€ (14% do total). A súa función, segundo explicou, é apoiar proxectos centrados, fundamentalmente, na produción de enerxía renovable, a explotación de dereitos e concesións mineiras e aqueles que requiren a utilización de auga e outros recursos naturais.

Son proxectos, polo tanto, que van ter unha clara incidencia no medio rural. E, nese sentido, reiterou que, ao igual que se está a facer co de Altri en Palas de Rei, chegado o caso todos van ser sometidos a unha tramitación ambiental absolutamente garantista e só serán autorizados se cumpren con todos os parámetros medioambientais e legais que marca a normativa.

Ao respecto, Lorenzana reiterou que a Xunta vai poñer todos os medios ao seu alcance para que Galicia non perda o tren da reindustrialización; entre eles, a Oficina Económica do Igape e o Plan de aceleración de proxectos industriais para garantir acompañamento personalizado ás empresas e a máxima axilidade administrativa nos trámites. En todo caso, concluíu, “remarcando que isto nunca vai supoñer reducir garantías medioambientais nin seguridade xurídica”.

ÚLTIMAS

31 de maio, Día da Xuventude en Chantada

No Concello de Chantada o Día da Xuventude celebrarase na praza diante do Polideportivo...

Mellores condicións para o alumnado da Casa da Música de Chantada

Dende a Casa da Música de Chantada, onde forman a nenos e nenas de...

Investigado por circular a 190km/h nunha vía de 90Km/h en Pantón

A Garda Civil investigou a un veciño de Salamanca, de 32 anos de idade, como suposto...

As oportunidades das Comunidades de Montes a debate, este 28 de maio en Taboada

No encontro de Taboada analizaranse as oportunidades que teñen as Comunidades de Montes para a xeración de riqueza...