Preto de 29.000 persoas percorreron a Ribeira Sacra nalgunha das rutas en catamarán que ofrece a Deputación de Lugo, o que demostra o “éxito da programación”.
Así o explicou este xoves a deputada de Réxime Interior, Promoción do Territorio e Turismo, Pilar García Porto, que detallou que os datos son desde o mes de marzo cando comezou a nova tempada.
Ademais, incidiu en que “a pesar do mal tempo” do mes de xullo foron “moitísimas as persoas” que percorreron a Ribeira Sacra en catamarán, polo que o balance “é moi bo”.
En canto ás prazas que xa hai reservadas ata o mes de decembro, cando finaliza a tempada 2024, García Porto detallou que a cifra rolda as 14.000.
INSTALACIÓNS DE CELEGA
Noutra orde de asuntos, o presidente da Deputación de Lugo, José Tomé Roca, visitou as instalacións de Celega no Saviñao e destacou a súa achega no sector lácteo da provincia.
“Somos unha provincia pioneira neste sector, a primeira produtora de leite de España. Por tanto, todo aquilo que leve consigo que o sector primario poida desenvolverse aquí, transformando os produtos e deixando o valor engadido que iso supón é, sen dúbida, unha boa noticia para a provincia“, enxalzou.
Celega visita Tomé
