Con esta operación que está pendente da aprobación por parte do consello de administración de SEA, que se celebrará este xoves pola mañá, aínda que todo apunta a que a valoración será positiva, o Polígono de Chantada quédase sen parcelas.

Esgotados os máis de 80000 metros cadrados de chan industrial dun polígono que conta cunha superficie total próxima aos 112000, urxe abordar a necesidade de acometer unha ampliación.

O alcalde acompañou a Beatriz Sestayo e a Ramón Fernández á zona proposta polo Concello para executar a posible ampliación, unha superficie lindeira co actual polígono. Manuel Lorenzo Varela comprometeuse a enviar a SEA nos próximos días toda a documentación urbanística dos terreos.

«Estudaremos con interese esa información porque queremos responder á demanda de chan industrial na zona», explicou Sestayo, incidindo en que a proposta parece moi viable