HomeEconomíaRepresentación da Xunta e da Deputación de Lugo en Fiporco 2019

Representación da Xunta e da Deputación de Lugo en Fiporco 2019

José Manuel Balseiro, da Xunta de Galicia, Pablo Rivera Capón e Eduardo Vidal Baamonde da Deputación Provincial de Lugo, non quixeron perder este evento e estiveron presentes tamén no xantar da XI Festa do Cocido de Porco Celta.

Publicado o

- Advertisement -

O delegado territorial da Xunta en Lugo, José Manuel Balseiro, gabou os produtos cárnicos do porcino galego, “pola súa gran calidade gastronómica e o valor engadido que achegan aos produtores” e puxo en valor “o importante traballo que se veu desenvolvendo nos últimos anos, coa colaboración da Xunta, para a recuperación da raza porcina celta”, que, segundo apuntou, “é cada vez máis demandada polos consumidores”.

Segundo Balseiro, a crianza de porco celta estase a converter nunha opción emprendedora para xente do rural que opta por esta actividade gandeira e xa se están a facer aproveitamentos en extensivo en zonas da provincia de Lugo como Sarria, O Incio, Friol ou A Fonsagrada.

Por outra banda, o Deputado pola Comarca de Sarria, Pablo Rivera Capón, e o Deputado de Turismo, Eduardo Vidal Baamonde, tamén quixeron participar neste evento e acompañaron á Alcaldesa de Sarria, Pilar López Yáñez.

Rivera Capón puxo en valor “a relevancia que acadou este evento, non só para a Comarca de Sarria, senón para toda a provincia, como impulsor da raza do Porco Celta e da súa gastronomía. Fiporco converteuse nunha cita de referencia dentro do calendario gastronómico da nosa provincia, sendo capaz de reunir a un milleiro de amantes dos produtos derivados desta raza autóctona”.

A III Edición da Feira Internacional do Porco e os seus produtos FIPORCO e XI Festa do Cocido do Porco Celta, permitiu este pasado sábado promover o porco celta como única raza porcina española autorizada para o uso do logotipo Raza Autóctona 100%. Neste senso, o Executivo Provincial colaborou economicamente co evento con 3.000 euros e tamén financia, a través da Asociación de Criadores de Ganado Porcino Celta ASOPORCEL, programas sanitarios nas explotacións de porco celta da provincia para axudar aos produtores lucenses.

Porcos celtas. Fonte: USC

Se ben é certo que o porco celta preséntase como alternativa de calidade entre os produtos cárnicos porcinos, empresarios que se dedican a comercializalo consultados evidencian que aínda que teña potencial a día de hoxe resulta difícil colocalo no mercado. Os principais atrancos para dar un salto son que hai pouca produción é o prezo. A día de hoxe mercar porco celta sae moi caro para o consumidor medio e non se producen grandes cantidades que puidesen abaratalo. Os consumidores de maior nivel adquisitivo ou os mercados delicatessen son unha posibilidade pero tampouco é doado atoparlle un oco neles.

ÚLTIMAS

Novidosas sinalizacións lumínicas para pasos de cebra no Concello de Monforte

O Concello de Monforte vén de presentar a mellora viaria, con sinalizacións lumínicas en...

A Valedora admite unha queixa por ignorar o Concello de Monforte máis de 8 meses a un aspirante

Lembran desde FAC-USO que o 13/10/2023 convocouse un proceso selectivo para unha praza interina...

Do 27 ao 29 de xullo, festas na parroquia monfortina de Piñeira

O deputado de Mocidade, Daniel García, reuniuse coa Asociación de Festexos de Piñeira, que...

Finalistas da X edición do Concurso de Proxectos Empresariais Semente Ribeira Sacra

A esta X edición do Concurso de Proxectos Empresariais Semente Ribeira Sacra presentáronse 85...