InicioEn profundidadeO IES Daviña Rey formará a futuros expertos en Ciberseguridade

O IES Daviña Rey formará a futuros expertos en Ciberseguridade

Falamos con Isaac González, director do centro monfortino, sobre este novo Ciclo de Grao Superior e sobre o resto de oferta educativa de cara ao vindeiro curso 2022-2023.

Publicado o

- Advertisement -

Rematado o curso escolar no IES Daviña Rey de Monforte o traballo continúa estes días xa pensando no vindeiro. “Este foi todo ben pero estamos xa inmersos no seguinte, e ao non haber setembro máis aínda”, refire Isaac González, director do centro.

Aproveitando este tema preguntámoslle como ve el o tema de que non haxa setembro, unha novidade que chega coas súas avantaxes e os seus inconvenientes. Dende o punto de vista do centro, Isaac teno claro, “para nós é unha avantaxe porque podemos prever con máis tempo a cobertura de profesores, dá máis tempo a que cheguen e poidan preparar as clases de cara a organizar as programacións”. Mais tamén apreza inconvenientes, no senso da dificultade que se dá ao xuntarse todo tanto, o fin de curso coa recuperación do antigo setembro. “Vai todo moi xunto, xúntase en pouco tempo o remate do curso coa recuperación… non dá tempo case nin para pensar. Iremos como vai indo co tempo e como o asimila o alumnado”, di Isaac afirmando tamén que os alumnos e alumnas están divididos neste tema, hainos a favor e en contra. Que teñan todo máis fresco para afrontar a recuperación ou unhas vacacións libres de obrigas son algúns motivos para velo en positivo, por exemplo.

OFERTA EDUCATIVA PARA O CURSO 2022-2023

Este pasado martes remataba a matrícula para inscribirse nos ciclos e houbo movemento de matriculación ata o derradeiro momento.

De cara ao vindeiro curso hai dúas novidades importantes na oferta educativa do IES Daviña Rey: a oferta dun Ciclo de Grao Superior de Ciberseguridade en contornos das tecnoloxías de operación e a creación dun novo grupo de Coidados Auxiliares de Enfermería.

O Ciclo de Grao Superior de Ciberseguridade chega ao centro monfortino para impartirse no vindeiro curso 2022-2023. Xunto co CIFP Politécnico de Lugo serán os únicos centros de FP da provincia de Lugo que ofrezan esta formación especializada e de gran demanda actualmente. Para acceder e poder matricularse ao mesmo é necesario estar titulado previamente nun ciclo superior da rama de electricidade ou electrónica.

Ofrécense 20 prazas e a día de hoxe non nos pode confirmar Isaac se se completaron pois non estaba pechada a matriculación. Como curiosidade cóntanos que o profesorado que imparta este curso estivo preparándose durante un ano con especialistas da Xunta de Galicia na materia pois trátanse temas moi específicos e técnicos.

O alumnado aprenderá, entre outras cousas, a definir e poñer en práctica estratexias de seguridade nas empresas mediante a realización de diagnósticos de ciberseguridade e a identificación de vulnerabilidades, podendo ademais executar as medidas necesarias para buscar solucións aplicando a normativa e os estándares do sector tendo en conta a prevención de riscos laborais e o respecto mecioambiental. Os e as tituladas/os futuros, obterán un certificado que acredita a superación do curso de ‘Especialización en Ciberseguridade en contornos das tecnoloxías de operación’ e poderán traballar como expertos, auditores, consultores e analistas en ciberseguridade.

IES Daviña Rey de Monforte / XdL

OUTROS CICLOS

Para o curso 2022-2023 o IES Daviña Rey, no apartado de Ciclos Formativos de Grao Medio, creou un novo grupo de Coidados Auxiliares de Enfermería que se impartirá polas tardes. “Tiñamos un grupo de mañá e agora empliamos con outro pola tarde dada a gran demanda e saída profesional que ten esta formación”, asevera Isaac.

“Ofertouse con 50 prazas e temos constancia de 60-70 interesados/as”, comenta o director do centro engadindo que “en todas as promocións anteriores foise empregando a xente”.

Outros ciclos xa consolidados que se manteñen son: o de Educación Infantil –Grao Superior– e os de Electromecánica de vehículos, Instalacións de telecomunicacións, Atención a persoas en situación de dependencia –Grao Medio–.

Respecto a estes últimos Isaac comenta que os ciclos de Electromecánica de vehículos e Instalacións de telecomunicacións teñen unha gran demanda profesional mais o segundo “e non sabemos porque” –di Isaac– non esperta tanto interese polo alumnado.

No que respecta a F.P. Básica o centro monfortino imparte dúas especialidades: Mecánica do automóbil e Electricidade.

MATRICULACIÓN ESO E BACH

Respecto á matriculación para alumnado que o vindeiro ano curse ESO ou en BACH o prazo de matriculación extraordinaria remata o vindeiro 10 de xullo.

ÚLTIMAS

“Outlet de Inverno” en Sarria, os día 1 e 2 de marzo

Durante eses días, preto dunha trintena de establecementos de ACES participarán nunha campaña de...

Cales son as prioridades do orzamento do novo goberno para Quiroga?

No caso do servizo municipal de auga, co inicio das choivas de outono a...

Máis de 200 persoas inscritas para a carreira Xacorun Sarria que se celebra o 3 de marzo

A Xunta apoia un ano máis a iniciativa Xacorun, unha carreira entre Sarria, Paradela...

IGV demanda medidas “ante a crise de produtores de uva na Ribeira Sacra”

Interior Galego Vivo explica que "hai unha crise de excedentes de uva na DO...