InicioEn profundidadeA XLI Feira do Viño de Quiroga ao detalle

A XLI Feira do Viño de Quiroga ao detalle

Na edición deste ano destaca unha xornada dedicada á viticultura heroica, a presenza de 3 adegas canarias convidadas, o foco mediático do pregoeiro Carlos Sobera e a continuidade da feira con adegas profesionais exclusivamente.

Publicado o

POR
Redacción
- Advertisement -

O formato de Feira do Viño con adegas profesionais chegou a Quiroga para quedarse e neste 2023 seis serán as que representen ao territorio quirogués con stand propio. Xunto a elas haberá 5 máis da D.O. Ribeira Sacra e unha convidada da D.O. Rías Baixas.

As adegas que xogan na casa son Atrium Vitis, EDV 2015, Fructuoso-Hobbs, Lar de Ricobao, Terrazas de Outeiro e Val de Quiroga. As restantes, xa de fóra do concello, son Alma de Donas, Algueira, Ponte da Boga, Adega Gullufre e Rectoral de Amandi –da D.O. Ribeira Sacra– e Adega Corisca –da D.O. Rías Baixas–.

Este venres, 7 de abril, comezará a andar o groso da programación entrando xa de cheo co protagonismo do viño e dedicando esta xornada á viticultura heroica coa particularidade de que coincidirán os viños da Ribeira Sacra cos caldos de tres adegas canarias convidadas: El Lomo (D.O. Illas Canarias), Comarcal de Güimar (D.O. Güimar) e Domínguez Cuarta Generación (D.O. Tocorante-Acentejo).

Pola mañá, na Casa da Cultura, haberá unha conferencia a cargo do embaixador do Cervim en Canarias, Manuel Capote, e presentaranse os viños canarios devanditos. E pola tarde, a partir das 17:00 h., a cita cos viños terá como escenario a Praza Maior onde se procederá á “Cata oficial de viños canarios” en colaboración co alumnado do ciclo formativo en servizos de restauración da Escola Belarmino Fernández Iglesias.

Ás 18:00 h. darase apertura dun túnel do viño para coñecer e probar os viños canarios das tres adegas citadas, e ás 20:00 h. haberá un concerto a cargo da antiga Tuna Lucense.

FIN DE SEMANA

O sábado, 8 de abril, é o día grande da XLI Feira do Viño de Quiroga. As casetas das adegas abrirán durante todo o día e paralelamente haberá diferentes actividades.

Ás 11:30 horas terá lugar na Praza de España o XIV Certame Celtibérico de Bandas de Gaitas. Este ano participan oito grupos, entre os que está a escola de gaitas San Martiño de Quiroga.

Pasarrúas da Banda da Deputación de Ourense na Feira do Viño de Quiroga 2022 / XdL

Ás 11:45 procederase á inauguración da mostra no recinto feiral baixo a carpa a cargo do vicepresidente segundo da Xunta de Galicia e conselleiro da Presidencia, Diego Calvo.

En horario xa de tarde, ás 17 horas haberá teatro na Praza España a cargo de Tombuctú, compañía que poñerá en escena ‘MisterBlue’. Unha hora máis tarde comezará a ambientación musical no recinto feiral coa charanga Mil9 e ás 19:00 h. o Auditorio Municipal acollerá o concerto da Coral Polifónica de Quiroga cos grupos de danza San Martiño e Arume da Queiruga.

Ás 20:30 h. chega o momento de máis asistencia de público na rúa principal de Quiroga, onde está o recinto feiral, coincidindo co momento do pregón. Presentarán o acto os xornalistas Tania Taboada –reporteira en Espejo Público– e José Manuel Parada –presentador televisivo e pregoeiro na edición XXIII– e o encargado de dedicarlle unhas verbas ao evento será o polifacético Carlos Sobera. Tras a súa intervención procederase a dar a coñecer aos gañadores do concurso de camisetas

A partir xa das 21:00 h. a festa continuará coa actuación da orquestra Marbella e o DJ Adri Díaz.

Feira do Viño 2022 / XdL

O domingo, 9 de abril, a Feira do Viño rematará cunha xornada na que as adegas terán tamén todo o día para poñer as últimas copas e vender os últimos viños desta edición.

Pola mañá actuará, a partir das 11:00 h., o grupo tradicional O Recanto; ás 12:30 h. recibiranse ás autoridades na Casa do Concello e ás 12:45 neste mesmo lugar farase entrega de trofeos ás adegas participantes. Para rematar a mañá, ás 13:00 h. actuará o Grupo de Gaitas ‘Érbedo’.

Pola tarde, ás 17:00 h. repite Tombuctú na Praza España co espectáculo teatral ‘MisterBlue’; e no recinto feiral actuarán as charangas ‘NBA’ e ‘Terras do Bibei’ ás 18:00 e ás 21:00 h. respectivamente.

ÚLTIMAS

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...