O lume forestal que se produciu na parroquia de Montefurado, no concello de Quiroga, quedou controlado este xoves 25 ás 16:18 h. O incendio, que se declarou o día 24 ás 17:32 h., afectoulle a un total de 149 hectáreas.

Segundo a Consellería do Medio Rural, queimáronse 40 hectáreas de monte arborado e 109 de monte raso. Nos labores de extinción participaron un técnico, 16 axentes, 42 brigadas, 20 motobombas, unha pa, 10 helicópteros e 3 avións.

Dende a Consellería recordan á cidadanía que está á súa disposición o teléfono gratuíto 085, no que poden denunciar posibles casos de incendios forestais.