HomeMedio ambiente e PatrimonioDemándase unha Estratexia Local para o patrimonio material e inmaterial de Chantada

Demándase unha Estratexia Local para o patrimonio material e inmaterial de Chantada

Por Chantada CUP presenta unha moción para o estudo, catalogación, conservación e divulgación do Patrimonio material e inmaterial do Concello de Chantada e a posta en marcha dunha Estratexia local para o Patrimonio e o turismo 2020-2030

Publicado o

- Advertisement -

No patrimonio do concello de Chantada destacan o Castro Candaz, gravemente ameazado pola turistificación sen control, as recentemente descobertas pinturas góticas e renacentistas da igrexa románica de Nogueira de Miño e os exemplos de románico como Santa María de Pesqueiras.

Por Chantada CUP lembra que o patrimonio chantadés vai alén de ficar reducido aos casos de renome mediático. Por iso insiste na importancia do coñecemento e divulgación do legado pasado como pobo, ao entender que brinda “infinitas posibilidades de aproveitamento no presente, incluíndo o seu racional valor de uso e de cambio, contribuíndo a xerar unha identidade positiva, autocoñecemento e emprego local”.

Como antecedentes desta moción, Por Chantada CUP vén denunciando as agresións a elementos patrimoniais (hórreos, Mosteiro de San Salvador, camiño centenario de Belesar, capela do Faro…) e ten presentado alegacións “a un plano de urbanismo que xa é anticuado e ineficaz antes sequera de nacer, numerosas alegacións na defesa no patrimonio”.

Na moción pídese especial atención, tamén, para o patrimonio inmaterial como a lingua galega e a súa riqueza xeolectal, a toponimia, as artes do espectáculo, en especial a danza e a música; os coñecementos e usos relacionados coa natureza, por exemplo, as herbas e as súas propriedades curativas; as técnicas artesás tradicionais, actividades produtivas e procesos; o legado das figuras históricas senlleiras na configuración da identidade cultural,…

 

Folión de carros / turismo.gal

Segundo Por Chantada CUP é necesaria a catalogación, conservación e divulgación do patrimonio local de Chantada para o coñecemento de toda a cidadanía. Para a creación deste rexistro a formación aposta por un grupo de pesquisadores interdisciplinar que inclúa especialistas nos campos da filoloxía, da historia, da antropoloxía, da arte e xuristas especializados na lexislación de protección patrimonial.

Museu Terras de Asma

Por Chantada CUP propón o impulso do Museu Terras de Asmaque podería pór en valor o muíño da Alameda e o edificio do Concello próximo. Un museu en dous espazos paralelos que foren a casa da emigración, do Folión de Carros, dos batuxos e das xacías, dos mecos e dos volantes, dos xugos e dos traballos, das vítimas e da resistencia ao fascismo… En definitiva, a casa da memoria e da reafirmación fachendosa da nosa tradición e da nosa identidade.”

ÚLTIMAS

A Asoc. Rechouchíos de Taboada creará un fondo de traxe tradicional galego

O Presidente da Deputación da Lugo, José Tomé Roca, vén de asinar un convenio...

Do 5 ao 10 de agosto Monforte celebra a XXIV edición de Artelemos

O Concello de Monforte vén de presentar o cartel anunciador e o programa da...

O BNG levará ao pleno provincial a demanda de mellora das infraestruturas e da xestión do regadío do Val de Lemos

O BNG buscará o acordo do pleno provincial para reclamar á Confederación Hidrográfica, ao...

A A.V. do Saviñao fala de “agravio comparativo” entre concellos na estrada provincial de Currelos a Monforte

A A.V. do Saviñao demanda á Deputación Provincial a mellora de dúas estradas en...