O protocolo impulsará accións para velar polos valores patrimoniais desta área de interese paisaxístico que resulta da fusión da do Canón do Sil e o do Miño e que implica un orzamento de 550.000 euros achegados pola administración galega.

As actuacións iniciais orientaranse á realización de murais, delimitación de itinerarios de interese paisaxístico, organización de eventos culturais e de lecer, ademais dunha mostra itinerante sobre esta zona que percorrerá a xeografía galega.

Este pacto representa un dos dez proxectos que forman parte do Plan de Acción estratéxico para a Ribeira Sacra, dotado de 3,5 millóns de euros.