A principios de maio comezará a traballar o novo camión de lixo, unha adquisición do Concello de Ribas de Sil cun investimento de 130.000 euros e financiado unicamente con fondos propios.
O vehículo servirá tamén de escaparate promocional pois aproveitouse a súa caixa para poñer imaxes emblemáticas da zona, como o coñecido meandro da Cubela, e un lema que reza así: “Coidamos do Xeoparque Montañas do Courel”.
Outra medida relacionada co coidado do Medio Ambiente que impulsa o concello é unha campaña de compostaxe doméstica para transformar en compost os restos orgánicos. O concello convida a participar inscribíndose antes do 7 de maio chamando ao teléfono 657512562. As 25 primeiras persoas que se anoten recibirán un composteiro e unha sesión de formación.
