Este venres, 19 de novembro, a partir das 20.15 terá lugar no Ateneo Casino unha charla a cargo de Fran Alonso, o director do proxecto arqueolóxico de Proencia, na parroquia de Proendos en Sober.

Fran Alonso falará das dúas campañas de escavación que se levan feito no xacemento romano, con resultados tan impresionantes como un gran hórreo de ata 15 metros de longo, en excelente estado de conservación.  

A charla acompañarase dun viño D.O. Ribeira Sacra da Adega Proencia. Participará no acto o alcalde de Sober, Luis Fernández Guitián.