A segunda edición do programa de emprendimiento ‘O Camiño creativo’ estará centrada na Ribeira Sacra, onde se fomentará a innovación ligada ao patrimonio natural e cultural.
Así o destacou o presidente da Deputación de Lugo, José Tomé, durante a presentación da iniciativa, celebrada este mércores nunha das embarcacións que sae de Ponte do Sil, en Monforte de Lemos.
O mandatario provincial incidiu en que este proxecto, promovido por España Creativa, “representa unha aposta polo emprendimiento e a innovación ligada ao patrimonio natural e cultural”.
Todo iso, para “impulsar un modelo de turismo de calidade e sustentable” a través do traballo e a creatividade dos emprendedores.
O obxectivo, segundo Tomé, é “converter os valores do pasado en elementos para o desenvolvemento do futuro, tanto social como económico, sobre todo do rural”.