As condicións meteorolóxicas permiten que se retomen os permisos para a relaización de queimas de restos de agrícolas e forestais amoreados. O día 22, venres, será o primeiro día para realizar queimas previamente comunicadas.

Polo tanto, dende este momento poderanse realizar as comunicacións e solicitudes de autorización de queimas a través da web do Medio Rural de acordo co establecido no artigo 34 da Lei 3/2007, do 9 de abril, de prevención e defensa contra os incendios forestais de Galicia. Ademais, en días laborables, tamén estará a disposición dos cidadáns o teléfono 012 para comunicar as queimas.

Os cidadáns que desexen queimar restos agrícolas amoreados nas zonas que determina a devandita lei nos períodos habilitados deberán comunicalo dous días antes. No caso de queimas de restos forestais amoreados, deberase solicitar unha autorización debido ao risco da actuación, sendo maior o proceso de tramitación.

A Consellería de Medio Rural lembra así mesmo que as autorizacións e comunicacións deixan de ter validez nos días que hai vento e altas temperaturas.