O vindeiro domingo 4 de decembro Segredos de Pantón convida a coñecer diversos puntos da parroquia de San Xoán de Frontón. Segundo informan dende a organización “descubriremos A Chaira e A Estación. Logo cruzaremos o río Cabe e desfrutaremos de descubrir a capela da Barca, a propia aldea e as súas lendas”, e tamén “iremos ata Nogueira de Ramuín para coñecer o misterioso e histórico lugar de San Miguel do Canar”.
O punto de encontro será na Chaira (Frontón) ás 10:00 h. sendo esta a localización: https://goo.gl/maps/BVhJeGo4eESSHYT57
Para esta actividade, Segredos de Pantón conta por vez primeira coa colaboración da asociación cultural O Colado do Vento de Sober.
O custe da actividade é de 2 euros por persoa e as inscricións poderán realizarse por correo electrónico segredosdepanton@gmail.com, por teléfono no 662 669 223 (Lucas Vázquez), e tamén por comunicación a través das redes sociais Instagram ou Facebook.
Dende a organización sinalan tamén que aquelas persoas que queiran poden anotarse para ir xantar á parrillada o Regato (Canaval) ao rematar a camiñada.