O asunto levarase a asemblea deste sábado porque a veciñanza da parroquia está preocupada polas posibles consecuencias negativas na paisaxe e na saúde, “Negámonos a que se degrade a paisaxe, a perder o monte comunal. Estes parques eólicos preto das casas poden acarrear os seguinte problemas de saúde: O ruído, un dos máis evidentes (enfermidade síndrome da turbina eólica); o efecto estroboscópico ou “efecto discoteca”, que provocan as sombras parpadeantes proxectadas polas aspas asóciase a certos problemas de saúde como ataques epilépticos. Problemas de soño, pesadelos nocturnos, problemas de aprendizaxe en nenos, demencias en persoas maiores, zumbidos nos oídos (tinnitus) Irritabilidade, ansiedade, depresión, problemas de concentración e memoria, de equilibrio, mareos e náuseas, cansanzo, problemas de corazón, diversos cancros, neurose,…”
Para moitos dos veciños os efectos serán demoledores con aeroxeradores de máis de 200 metros de altura que van provocar “forte impacto” sobre veciños e territorio. “Os terreos e as vivendas situados ata a 6 quilómetros do parque perderán sobre o 30% do seu valor actual, o espazo forestal e agrario quedará dependente do parque eólico por 30 anos prorrogables, grave impacto na paisaxe, ruido, interferencias,…” Segundo os veciños que están en contra, a instalación dos eólicos non creará postos de traballo nin beneficios económicos, máis que os impostos que recade o concello; favocere o despoboamento, afecta ás abellas,…
Moitos comuneiros lamentan non ter sido avisados con tempo da celebración da asemblea deste día 18 de marzo e os non comuneiros critican, “Por riba os veciños non comuneiros no podemos manifestarnos na asemblea xa que non vivimos aquí 170 días, e como eu estamos ao redor de 15 veciños con vivienda.”
