HomeMedio ambiente e PatrimonioMelloras na ‘Ruta das fervenzas’ de Quiroga

Melloras na ‘Ruta das fervenzas’ de Quiroga

Este novo recurso turístico facilita as visitas aos saltos de auga seguintes: Pombar, a Pedriña, o Fócaro, as Gurbias e Vieiros.

Publicado o

POR
Redacción
- Advertisement -

O Concello de Quiroga vén de informar do remate dos traballos de acondicionamento dun roteiro de fervenzas, labouras que se comezaron xa o pasado ano e que consistiron na mellora da accesibilidade e información de cinco ruxidoiras nun percorrido duns 25 quilómetros que vai de Quiroga a Vieiros.

As fervenzas que se poden ver son a do Pombar e a Pedriña, na Cruz de Outeiro, as fervenzas do Fócaro e das Gurbias, na Seara, e a fervenza de Vieiros.

Aínda que tradicionalmente todos estes puntos xa se visitaban, facilitouse o seu acceso mediante a divulgación, a unificación da sinalización e a mellora dos camiños. Contouse cun investimento para a Rede Natura 2000 da Consellería de Medio Ambiente, Territorio e Vivenda, de 23.859 €. repartido en dúas anualidades (2022 – 2023). Ademais de acondicionar e sinalizar os percorridos, a ruta xa se pode seguir a través da aplicación de internet Google maps, coñecendo os detalles do acceso a cada un dos puntos, descargar a ruta para gps e mesmo seguila nun teléfono móbil.

A primeira anualidade deste proxecto serviu para a sinalización das fervenzas e a limpeza dos seus accesos, mentres que os traballos nesta segunda anualidade centráronse no acondicionamento, mediante escaleiras de madeira en dous resaltes rochosos do terreo e no acondicionamento do sendeiro coa recolocación de bloques de rocha soltos no treito inferior na fervenza do Pombar.

Escaleira de acceso á fervenza do Pombar. Foto: Concello de Quiroga.

No miradoiro da fervenza das Gurbias fixéronse traballos de sinalización e  colocación de varanda de madeira e na de Vieiros sinalizouse o aparcadoiro, colocouse un panel con recomendacións para a visita no aparcadoiro e reforzouse a seguridade con colocación de varanda de madeira no camiño de acceso á mesma.

Panel informativo con recomendacións. Foto: Concello de Quiroga
Fervenza de Vieiros. Foto: XMF

ÚLTIMAS

Olalla Rodil destaca en Sarria que o BNG traballará desde o congreso para mudar a política industrial

Rodil visitou o Polígono do Morelle xunto co Vicepresidente da Deputación e concelleiro do...

Chantada reforza o acceso á información turística nun outono que segue atraendo visitantes á Ribeira Sacra

Destaca o interese dos visitantes nesta época do ano na que a paisaxe do...

A Deputación adxudica a explotación dos Náuticos Ponte do Sil e Maiorga

Con estes acordos, a institución provincial dá continuidade á actividade turística e de lecer...

Beth Willard, recoñecida xornalista e crítica de viños, visitou a Ribeira Sacra

O Consello Regulador da Ribeira Sacra encargouse de coordinar a estancia e a programación...