InicioMedio ambiente e PatrimonioA Pobra do Brollón activa de novo o seu Punto Limpo por...

A Pobra do Brollón activa de novo o seu Punto Limpo por parroquias

Comezará o seu percorrido polas parroquias o luns 17 de abril e rematará o 7 de xullo. Na páxina web do concello están detalladas as datas, as parroquias e os lugares onde se situará o Punto Limpo.

Publicado o

POR
Redacción
- Advertisement -

O Concello da Pobra do Brollón mantense firme nas súas políticas de respecto polo medio ambiente, e un dos temas que lle preocupa é mellorar a xestión dos residuos xerados nos fogares. Para iso pon a disposición de toda a veciñanza un Punto Limpo Móbil que comezará o seu percorrido polas parroquias o luns 17 de abril.

No Punto Limpo Móbil pódense depositar determinados refugallos para a súa posterior reciclaxe, tales como: pilas, medicamentos e os seus envases, lámpadas e tubos fluorescentes, aerosois, aceite usado de cociña, envases baleiros de pinturas, tóners e cartuchos de impresoras.

Este Punto Limpo Móbil visitará todas as parroquias do Concello seguindo un percorrido lóxico para a súa operatividade efectiva. Os usuarios e usuarias poden ver ao detalle as datas, as parroquias e os lugares concretos onde se deixará o Punto Móbil accedendo á web do concello.

Dende o concello piden “colaboración da cidadanía facendo un uso correcto do Punto Limpo Móbil e coidando que se manteña en boas condicións para que toda a comunidade do Concello da Pobra do Brollón poida facer uso del”.

ÚLTIMAS

Roteiro Literario para coñecer as localizacións da novela “A Boca do Monte”, en Quiroga

Preto dun cento de estudantes do IES As Lagoas de Ourense coñeceron o pasado...

O BNG pon en marcha, “Arranxo XA das nosas estradas”, campaña para mellorar as infraestruturas viarias na provincia

O Bloque Nacionalista Galego de Lugo inicia unha nova campaña para reclamar o arranxo...

8ª Andaina polo Corazón de Galicia, o 21 de abril en Chantada

O domingo, 21 de abril, celébrase a 8ª Andaina polo Corazón de Galicia, que...

Que acontece coas Unidades de Drogodependencias dos concellos?

Na última xuntanza dos concellos que contan con Unidades Municipais de Asistencia á Drogodependencia...