A Xunta de Galicia decidiu volver activar os permisos para queimas agrícolas de particulares. Permiso que se pode activar a través da páxina web ou chamando ao 012.
A maiores, os particulares que dispoñan dun permiso vixente antes da prohibición do pasado 21 de marzo, poderán realizar as queimas dende o 26 de marzo. Aquelas/es que soliciten un novo permiso, deberán ter en conta que a comunicación debe efectuarse sempre con dous días de antelación segundo a normativa.
No portal da internet destinado a comunicar as queimas de restos agrícolas amoreados os cidadáns deberán confirmar que se trata dunha “queima correspondente a palla e/ou material natural, agrícola, non perigoso, utilizado en explotacións agrícolas e/ou gandeiras”.
PARA INTERESADOS/AS QUE CHAMEN AO 012
Aos interesados ou interesadas que chamen ao 012 para comunicar a queima preguntaráselles tamén ao respecto, para que confirmen se se trata do tipo de material e circunstancias indicadas e poder continuar co proceso de comunicación.
QUEIMAS DE RESTOS FORESTAIS
A maiores, tamén se retoman desde o 26 as solicitudes de autorización para efectuar queimas de restos forestais amoreados. Neste caso, como vén sendo habitual, cómpre contar con autorización administrativa dado o maior risco da actuación.
