Este sábado 23 de novembro está programada a terceira actividade do ‘Ciclo Outono Xeolóxico’ que organiza o Xeoparque Mundial Montañas do Courel. Leva por título “Grandes ríos e rochas singulares na ruta da Cubela” e nela poderase gozar dunha camiñada moi atractiva, de petiscos, e de visitas a lugares e espazos divulgativos de grande interese.
CRONOLOXÍA DA ACTIVIDADE
-10:00 h. Saída en bus dende a praza do concello de San Clodio ata Castro de Abaixo, aldea na que comezará a camiñada.
-10:30 h. Comezo do roteiro interpretado duns 13,3 quilómetros e desnivel positivo de 720 m. Dificultade media.
-18:30 h. Remate da actividade na praza do Concello de San Clodio.
DURANTE A CAMIÑADA OS/AS CAMIÑANTES GOZARÁN DE…
-Degustación de produtos típicos na aldea de Torbeo.
-Visita guiada ao CIRS: Centro de Interpretación do río Sil en Torbeo.
-Visita guiada á Igrexa de Torbeo: Románico no Xeoparque Montañas do Courel.
-Visita interpretada ao miradoiro de Pena do Ladeiro.
A organización recomenda levar roupa e calzado cómodos, axeitados a actividade e á meteoroloxía. Tamén levar algo de comida e bebida para o roteiro segundo a estimación de cada un/unha. A actividade é de balde con límite de 25 prazas que se pecharán por orde de inscrición.
INSCRICIÓNS: https://docs.google.com/forms/d/e/1FAIpQLSfa4PoC4tE-Qmabb_LhH9KF2pAv4GFMFioSTHgP97UY4n5mGw/viewform
MÁIS INFORMACIÓN no teléfono 982 435125 ou no correo electrónico xeoparquemontanasdocourel@gmail.com
