A actividade comezou cunha saída ata o Río Mao ao seu paso pola localidade onde os nenos e nenas puideron participar nunha repoboación de cría de troitas. Botáronse ao río un total de 900 exemplares para a súa repoboación, un traballo no que axudaron os alumnos e alumnas e que lles encantou.
De seguido, xa no centro, o alumnado puido coñecer os vehículos que empregan os axentes nas súas misións, entre eles unha barca. Xa no interior, achegáronse á biblioteca onde levaron a cabo unha formación sobre reciclaxe, residuos e conservación de flora e fauna para coidar a contorna.
O alcalde de Bóveda, José Manuel Arias, sumouse á visita e agradeceulle á directora do Colexio, Ana de la Fuente, a organización desta actividade tan interesante e participativa para os nenos e nenas.
Xornada medioambiental Bóveda / Concello de Bóveda
