InicioMedio ambiente e PatrimonioO Faro, o punto máis visible de Galicia

O Faro, o punto máis visible de Galicia

O pico máis alto da serra do Faro, entre os concellos de Chantada (Lugo) e Rodeiro (Pontevedra), está a 1.182 metros de altitude e a ciencia confirma que se trata do cumio máis visible de Galicia.

Publicado o

- Advertisement -

Desde o cumio do monte Faro pódense ver as catro provincias galegas, entenderíase que tamén é á inversa, desde todos eses territorios veríase o Faro. O científico César Parcero do Instituto de Ciencias do Patrimonio (Incipit-CSIC), foi máis aló e fixo un cálculo a partir da análise de 740.000 puntos (un cada 200 metros) de toda a xeografía galega, o obxectivo, ver cal é o punto máis visible de Galicia.

Parcero explica así o procedemento seguido, “bastaría con ir percorrendo toda Galicia e apuntar que lugares podemos ver desde cada sitio e, á fin, comprobar cal é o punto que puidemos ver máis veces. Dito así é sinxelo, pero facelo xa é outro conto. Por sorte, os ordenadores permítennos facer cousas deste tipo de xeito máis ou menos doado. E iso foi o que fixen: colocar un punto sobre o mapa de Galicia cada 200 metros, pedirlle ó ordenador que calculase que se podería ver dende cada un deses puntos, e que sumase o resultado final.
O que obtemos é un mapa que se chama “total viewshed”, no que podemos pinchar para ver desde canta superficie do resto de Galicia se pode ver cada lugar.” A gama de cores do mapa así o expón. (Facebook de Parcero)

Mapa César Parcero

O resultado é o Monte do Faro. Hai cumios máis altos como Trevinca ou Mazaneda, pero a posición central do Faro fai que se poida ver desde todas as direccións arredor e é, polo tanto, o lugar que máis puntos suma ao final do traballo de Parcero.

O investigador considera que este tipo de estudos complementan o traballo arqueolóxico e explica que, históricamente, os monumentos e poboados se construían en lugares que foran visibles na contorna para controlar mellor o territorio. E aí está o caso do Faro, lugar de peregrinaxe cunha ermida do século XVII na honra á Virxe do Faro. Pero coñécese que existiu un templo anterior, posiblemente románico, contruido sobre outro, presumiblemente, de orixe pagana.

Cada 8 de setembro celébrase, aquí, a tradicional romaría da Nosa Señora do Faro, é punto importante do Camiño de Inverno a Santiago e, por exemplo,  nos 90 era o lugar escollido polo PP para as súas romarías.

O Faro, no centro de Galicia, o lugar máis visible da comunidade, … e o menos visible? Segundo os cálculos de Parcero, cabo Touriñán, en Muxía, tamén o punto máis occidental.

Nosa Señora do Faro / pilgrim.es

ÚLTIMAS

Conta atrás para a ‘Feira Degustación da Tenreira Galega’ de Láncara

José Tomé amosou a súa satisfacción por contribuír dende a Deputación de Lugo a...

210.000€ para a mellora de tres estradas provinciais en Chantada e no Saviñao

No caso de Chantada, a Xunta de Goberno acordou licitar a mellor de dúas...

Fin de semana de Fam Trip na Ruta do Viño da Ribeira Sacra

A Ruta do Viño da Ribeira Sacra celebra do 24 ao 26 de maio...

O alcalde de Bóveda na creacion da Comisión de Políticas de Auga, Medio Ambiente e Economía Circular

O alcalde de Bóveda, José Manuel Arias, participou recentemente en Madrid na reunión da...