As Letras Galegas do 2019 están adicadas a Antón Fraguas, destacado historiador, etnógrafo, antropólogo e xeógrafo. No 1929, Antón Fraguas, como membro da Sección de Prehistoria e Arqueoloxía do Seminario de Estudos Galegos, estivo en Lamaquebrada estudando as mámoas e os castros do Saviñao, publicando traballos sobre o tema.
Os nacionalistas cren que dada a importancia destes estudos, poden ser unha oportunidade para dar a coñecer o patrimonio histórico e cultural do municipio e para involucrar á veciñanza na súa conservación e a xeración dun recurso turístico sostible.
O BNG do Saviñao propón crear un roteiro cultural baseado nos estudos que realizou Antón Fraguas no Saviñao. Queren tamén que se ofreza á veciñanza do Saviñao, aos centros de ensino e aos visitantes que o demanden, a posibilidade de facer este roteiro con guías especializados que poñan en valor o patrimonio.