O congreso estaría destinado a crear unha rede cultural ao redor dos sete varóns apostólicos, Torcuato, Segundo, Indalecio, Tesifonte, Eufrasio, Cecilio e Hesequio. Os restos de San Torcuato atópanse en Celanova, despois de ser trasladados desde Santa Comba de Bande. Pola súa banda no Incio, no santuario de San Eufrasio no Val do Mao, atópanse, supostamente, os restos do varón deste nome, traídos desde Andújar no século VIII.

O encontro pretende coñecer as acción que se desenvolven en cada municipio e deseñar estratexias para crear unha exposición itinerante dos sete varóns apostólicos de cara ao Xacobeo 2021. Durante as xornadas que inclúen visitas turísticas a Bande e o Incio, abordarase a posibilidade de editar material promocional e poñer en marcha unha páxina web para dinamizar a ruta, ademais de cursos de verán, concertos e un concurso de fotografía.

Os municipios de Abla, Pechina, Berja, Cazorla e Sacromonte tamén serán convidados a participar por estar relacionados co resto dos discípulos.