A entrada en vigor do Real Decreto 1462/2018, de 21 de decembro, polo que se fixa o salario mínimo interprofesional para 2019 non se está a cumprir na zona sur de Lugo por parte de moitos empresarios.

Esta é a conclusión á que chega o sindicato CC.OO. despois dun estudio que realizaron entre afiliados e delegados sindicais das comarcas de Lemos, Quiroga e Chantada en sectores da hostalería, servizo doméstico, perruquerías, comercio e tendas do textil.

Estiman que uns 2.000 traballadores/as destas comarcas non están a cobrar os 900 euros que lle corresponden por lei e infórmanlles que os pluses de antigüidade, transporte, productividade e nocturnidade cóbranse a maiores dos 900 euros indicados, e nunca incluídos neste soldo.

Rematando o comunicado de prensa informan que un dos sectores “máis incumpridores” é o sector da hostalería, aínda que hai importantes excepcións, con exemplos de bo facer e de respecto do convenio.