HomeMovementos sociaisExposición “África en la mirada de los niños” en Sarria

Exposición “África en la mirada de los niños” en Sarria

A exposición reúne máis de 40 fotografías realizadas polos voluntarios Pablo Llácer e Eva Pombo. Nelas móstrannos, a través dos seus retratos, as realidades e situacións captadas polos seus obxectivos nas súas viaxes solidarias realizadas coa ONG sarriá Hospitaleros Sin Fronteras.

Publicado o

POR
Redacción
- Advertisement -

A ONG Hospitaleros Sin Fronteras, en colaboración co Concello de Sarria organiza esta mostra fotográfica na Antiga Prisión, Avenida da Mercede 8 de Sarria do 4 ao 18 de decembro. A entrada é libre e o horario de mañás para poder vela de 9 a 14:00 h. Polas tardes consultar antes no teléfono 652 51 71 99.

Pablo Llácer, fotógrafo de Canals, presenta “TALIBÉS”. Trátase do seu último proxecto fotográfico documental, esta vez coa función solidaria de iluminar aos nenos talibés de Senegal, aos que axuda a ONG Hospitaleros Sin Fronteras coa que Pablo colaborou en febreiro de 2019. Destaca no traballo de Pablo o desexo de conectar coas persoas e captar o momento transcendental, auténtico e verdadeiro, mediante o retrato. En palabras súas “capturar o espírito e a esencia doutro ser humano” e “cambiarnos coa mirada sincera destes nenos e involucrarnos como parte do posible cambio”.

Eva Pombo, colaboradora actual da ONG, móstranos “TERÁNGA”, unha selección de instantáneas vividas na súa viaxe solidaria coa ONG en febreiro de 2020 a Saly, no Senegal. Teránga é a palabra que define o espírito da Hospitalidade en Senegal, asociado á tolerancia, o respecto e a axuda. Con esta colección de imaxes, Eva desexa poder transmitir aos ollos do espectador o significado de Teránga. Faino co obxectivo de conseguir, a través dos retratos, que se capten os froitos do traballo enriquecedor de Hospitaleros Sin Fronteras e a esencia do significado de Teránga nas miradas dos protagonistas destas fotografías, sobre todo dos máis pequenos.

Cartel

ÚLTIMAS

Novidosas sinalizacións lumínicas para pasos de cebra no Concello de Monforte

O Concello de Monforte vén de presentar a mellora viaria, con sinalizacións lumínicas en...

A Valedora admite unha queixa por ignorar o Concello de Monforte máis de 8 meses a un aspirante

Lembran desde FAC-USO que o 13/10/2023 convocouse un proceso selectivo para unha praza interina...

Do 27 ao 29 de xullo, festas na parroquia monfortina de Piñeira

O deputado de Mocidade, Daniel García, reuniuse coa Asociación de Festexos de Piñeira, que...

Finalistas da X edición do Concurso de Proxectos Empresariais Semente Ribeira Sacra

A esta X edición do Concurso de Proxectos Empresariais Semente Ribeira Sacra presentáronse 85...