Cruz Vermella, no seu compromiso coas persoas máis vulnerables coas que xa traballaba antes da pandemia pola Covid-19, distribúe estes meses 17,5 millóns de quilos de alimentos a nivel nacional, o que representa para a provincia de Lugo 113.000 quilos.
O programa de Axuda Alimentaria ás persoas máis desfavorecidas FEAD 2020 está cofinanciado nun 85% polo Fondo de Axuda Europea ás persoas máis desfavorecidas (FEAD) e nun 15% polo orzamento nacional.
En Monforte, a repartición desta segunda fase da campaña de alimentos do FEAD será duns 17.000 quilos de alimentos que chegarán a algo máis de 210 familias, ou o que é o mesmo, a uns 668 usuarios/as.
Os alimentos non perecedoiros que se distribúen son: Aceite de oliva, arroz, atún, conserva de carne magro de porco, conserva de sardiña, froita en almíbar, galleta, faba cocida, leite uht, macedonia de verduras, pasta (macarróns), tomate frito en conserva, batidos de chocolate e potitos de polo e de froita. Dende Cruz Vermella din tamén que nesta segunda fase do programa non houbo incremento de solicitantes de alimentos con respecto á primeira acción realizada meses atrás.