Dende o colectivo FEMforte informan que dende o pasado 5 de febreiro contan cunha nova Xunta Directiva tras o cese da anterior. Deste xeito, a nova xestora da asociación está integrada polas seguintes persoas:
Olalla García Mariño (Presidenta)
Laura Isabel Quiroga Jorge (vicepresidenta)
Lara Martínez Álvarez (Secretaria)
María Nieves Domínguez González (Tesoureira)
Lidia Rodríguez Vigo (Vogal)
O obxectivo principal nas accións que emprenda a nova directiva será “centrarse na promoción da igualdade e o empoderamento de todas, pero especialmente de aquelas mulleres que están nunha situación de maior vulnerabilidadae, por estar en situación de violencia machista, por ter escasos recursos económicos, por pertencer a colectivos marxinados, como o da discapacidade, o das persoas con problemas de saúde mental, etc”.
No comunicado aproveitan tamén para anunciar e convidar á concentración que levarán a cabo o vindeiro 8 de marzo, Día Internacional da Muller, ás 20:30 h. da tarde na Praza de España de Monforte de Lemos.
