Desde a Asociación Española Contra o Cancro en Lugo veñen de anunciar o evento deportivo “Monforte En Marcha Contra o Cancro”, unha iniciativa que reúne xente de todo o territorio nacionalcun obxectivo común: a loita contra o cancro.
Celebrarase o domingo 2 de outubro presentándose como unha actividade lúdico-deportiva na que centos de persoas sumaranse ao movemento para gozar dunha carreira de 5 quilómetros que tinguirá Monforte de verde para visibilizar a loita contra esta enfermidade.
Con este evento, os organizadores queren converter Monforte en referente solidario e deportivo, fomentando un estilo de vida saudable, e recadar fondos para proxectos asistenciais, de prevención e investigación oncolóxica.
Aproveitando este importante evento, a Asociación Española Contra o Cancro en Lugo convida ás empresas de Monforte e contorna a implicarse economicamente, xa sexa como patrocinador, colaborador ou participante. Nese caso só teñen que contactar cos organizadores e preguntar como poden facelo.