A exposición fotográfica ‘Invisibles’, exposta do 25 de marzo ao 12 de abril no Centro Sociocultural de Bóveda, pretende visibilizar a beleza sen filtros de mulleres residentes na Domus Vi Bóveda e nace a partir do proxecto ‘Inmarcesibles’ do Concello de Sober sobre a beleza real feminina.

O pasado xoves, 13 de abril, tivo lugar a clausura da mostra no espazo cultural devandito coa asistencia de todas as usuarias da residencia para persoas con discapacidade de Bóveda participantes neste proxexto. 

A mostra está protagonizada por 14 mulleres con discapacidade da Domus Vi de Bóveda e, dado o interese da mesma, agora terá carácter itinerante. O primeiro sitio no que vai ser exposta será Sober e de aquí viaxará a Lugo ou a Vigo, entre outros lugares.