HomeMovementos sociais'II encontro Burla Verde', no Courel, contra a estafa da transición enerxética

‘II encontro Burla Verde’, no Courel, contra a estafa da transición enerxética

Celebrarase os días 14 e 15 de xuño nas aldeas de Vilamor e Esperante, no Concello de Folgoso do Courel.

Publicado o

POR
Redacción
- Advertisement -

Veciñanza do Courel, en colaboración con diferentes organizacións e activistas, farán posible un novo convivio reivindicativo para poñer en evidencia a que veñen en chamar “estafa da transición enerxética”.

Trátase do ‘II Encontro Burla Verde’, unha xuntanza contra a depredación da terra e a falsa transición enerxética que se celebrará este ano os días 14 e 15 de xuño nas aldeas de Vilamor e Esperante, no concello de Folgoso do Courel.

Ao longo destes dous días desenvolvéranse diferentes actividades de carácter formativo, lúdico e de intervención no territorio. Deste xeito, o 14 de xuño, o colectivo Monte Escola organiza ás 17:00 h. unha sesión para arrincar mimosas en Vilamor, á que se pode apuntar calquera persoa de xeito voluntario a través do correo info@montescola.org; e o día 15, a xornada dará inicio ás 10:30 horas cunha programación completa na que haberá música, concertos, circo, danza e varios encontros formativos.

ENCONTROS FORMATIVOS

No que se refire ás propostas divulgativas, ás 12:00 h. haberá unha táboa redonda sobre a organización comunitaria protagonizada por veciñas de diferentes idades e dinamizada pola historiadora Lara Barros en Esperante; ás 16:30 h. un obradoiro para sentipensar arredor do fenómeno dos lumes deseñado pola ONG Arquitectura Sen fronteiras –na Estación Científica de Seoane–; e ás 17:00 h. un coloquio sobre decrecemento a cargo de Begoña de Bernardo do colectivo Véspera de Nada e a cooperativa Outonía S.Cooperativa.

Paralelamente, ao longo de toda a xornada haberá unha programación dedicada ao goce das crianzas, un espazo radiofónico que difundirá o evento en directo, un espazo de micro aberto para os colectivos en defensa da terra que se dean cita no encontro e a creación dun mural colaborativo a cargo da pintora Carme Álvarez.

PROPOSTAS ARTÍSTICAS

Á tardiña arrincarán as diversas actuacións artísticas con espectáculos de danza, circo e música a cargo de: Tralha Terra de Montes, Darija, Xerezade, Laura Lamontagne, Paco Nogueiras, Zeltia Irevire, Mounqup Dj Set, Regueifeiras Loita Amada, Xenderal, Peter Selek, La Sincereza.

Este ano dende a necesidade de ter unha previsión de aforo, a organización informa que a entrada ao evento está suxeita a unha cota de cinco euros e pódese adquirir previamente en diversos establecementos de toda a comunidade. O recadado irá destinado a diferentes colectivos en defensa da terra.

ÚLTIMAS

O Colectivo Vermut ‘ao rescate’ do San Xoán dos Chaos, en Monforte

Moitas celebracións populares van a menos, e incluso pérdense, por falta de relevo xeracional....

5 piragüistas do Quixós convocados para o Europeo de Suiza

Este xoves, 20 de xullo, a Real Federación Española de Piragüismo deu a coñecer...

As Festas de San Xoán de Sarria máis inclusivas

Falamos con María Eugenia Valcárcel López, concelleira de Festas no Concello de Sarria, para...

Vasoira de Platino para Monforte pola implantación do Plan de xestión da materia orgánica

A cidade de Monforte de Lemos recibiu un galardón que se lle concede ás...