A empresa de limpeza viaria de Monforte, Fomento de Construcciones y Contratas, S.A. -F.C.C- conta cunha plantilla de 39 traballadores, sendo ademais a que ten maior afiliación ao sindicato CC.OO. da zona sur ao contar con máis do 80% de militantes.
A asemblea e votación de afiliados/as de F.C.C. celebrouse o luns 18 de febreiro cunha participación do 100%, feito que Mario Docasar valora especialmente pois evidencia o gran apoio aos candidatos que deron un paso adiante para presentarse ás eleccións de abril e afrontar a futura negociación do convenio.
Dos oito ‘pre-candidatos’ presentados, tras as votacións, tres foron os elixidos:
– Javier López Jordán, delegado actual, cun 76% de votos.
-Abel López Fernández, candidato novo, tamén cun 76% de votos.
-Javier Rey Rivero, tamén delegado na actualidade, cun 68% de votos.
A Secretaría de Acción Sindical agradecía a asistencia unánime de todos os afiliados e afiliadas quedando patente o compromiso dos traballadores para loitar proximamente por un mellor convenio e recuperar poder adquisitivo de cara á vindeira negociación.
