Diario de corentena do 9 de abril do 2020:
Unha das cousas que tivo de positivas a Covid19, que algunha ten, é que a gran maioría dos cidadáns dos diferentes países do mundo se uniron e asumiron a súa responsabilidade nesta situación de carácter mundial; independientemente da eficacia dos seus dirixentes. Iso dá moito poder á responsabilidade individual para conseguir un ben global, axuda humanitaria. Repítome con este tema, son os días que pasan; e a importancia do concepto, que diría Manquiña.
Nas estruturas establecidas, o Covid19 evidenciou fallos importantes a todos os niveis; pero no comportamento xeral da cidadanía amosouse, e estase amosando, máis responsabilidade ca nunca. Nunha circunstancia como esta, creo que iso debería motivarnos, a lo menos é o que me digo. A maquinaria humana que houbo que mover para que en España se comece a ver a luz ao final do túnel está formada por cada cidadán; o mesmo que acontece nos outros países e na solidariedade internacional entre cidadáns. Todos somos pezas fundamentais; non se cansan de repetilo, porque é así. Silvia no seu diario de corentena desde Lugo Xornal falaba do dereito a soñar libremente; pois iso.
AS PELIS TAMÉN SE FAN CON ACTORES DE REPARTO E FIGURANTES
Que as complexas estruturas que nos rixen se adapten a esta crise sen cometer erros non se antoxa fácil, pero que cada un de nós non sexamos capaces de “facelo ben”; é algo que inqueda,.. despois de non sei cantos días de confinamento. Aquí volvo aos Visitantes de V (os da Semana Santa e fins de semana) ou aos mozos que detiveron por xestionar grupos de whatsapp que preparaban quedadas para agredir ás forzas de seguridade durante esta crise.
A realidade supera á ficción e por riba nesta realidade tocounos convivir con Trump, entre moitas outras súperestrelas internacionais. Unha das últimas barbaridades que escoitei deste home (…e aparece a fase conspiranoia), foi que pretendera mercar a exclusividade da vacina da Covid19 para EEUU. Hai pezas ben fastidiadas nesta maquinaria; hai superestrelas e actores protagonistas que non merecen o que son, pero as pelis tamén se fan con actores de reparto e figurantes. Confírmano informacións como a deste enlace no Xornal de Lemos. Non sería unha superprodución de Hollywood, sería unha boa peli. E a menos cartos, móvese menos a Covid19.
