InicioEconomíaMonforte, incluído no Eixo Atlántico

Monforte, incluído no Eixo Atlántico

Bruxelas aproba a incluisón da liña ferroviaria A Coruña - Vigo - Ourense - Monforte - O barco - Palencia

Publicado o

- Advertisement -

Bruxelas acaba de ratificar a inclusión de Monforte no Eixe Atlántico. Desta forma, a liña ferroviaria  A Coruña – Vigo – Ourense – Monforte – O Barco – Palencia formará parte dun proxecto que levaba anos riba da mesa e no que Carlo Secchi e Alfredo García prometeran investir os seus esforzos ata acadar este resultado como xa informara o XdL.

Esta decisión é de de vital importancia, non só pola competitividade para os portos galegos, senón tamén polo impulso económico que lle achegará ó interior de Galicia.

Xoán Vázquez Mao, secretario xeral do Eixo recalcou a importancia desta decisión e do traballo integrador do alcalde do Barco, Alfredo García, o alcalde de Monforte, José Tomé Roca, a alcaldesa de Lugo, Lara Méndez e a Deputación de Lugo. Tamén destacou a labor de empresarios, sindicatos, organizacións cívicas, medios de comunicación e un amplo espectro de entidades tanto galegas como do Bierzo.

Logo desta decisión, o seguinte paso é transmitirlle ó novo goberno a necesidade de axilizar os prazos ó máximo e monitorizar o cumprimento dos mesmos.

Esta decisión deberá de ser ratificada nun trámite habitual polo Consello Europeo de Ministros e polo Parlamente Europeo no prazo máximo de un ano, coa previsión de que o Parlamente o deixe xa aprobado antes da súa disolución no 2019.

RECLAMACIÓN DE GALICIA

Esta era unha demanda de todos os grupos con representación no Parlamento galego, así como da Xunta de Galicia, alcaldes de municipios polos que atravesa a liña e entidades como o Eixo Atlántico.

A Xunta celebra esta incorporación, do mesmo xeito que Asturias e Castela e León, que impulsaron conxuntamente esta petición nunha declaración institucional asinada en Santiago en outubro de 2017.

A conselleira de Infraestruturas, Ethel Vázquez, mostrou a súa “gran satisfacción” por este avance, que considera un “elemento crave” para a competitividade e o tecido empresarial.

O Goberno galego valora que así se garantirán fondos comunitarios para a modernización da liña de ferrocarril de mercadorías a través do mecanismo de financiamento ‘Conectar Europa’.

O trazado do corredor atlántico de transporte incorporará e priorizará a conexión ferroviaria dos portos marítimos e centros loxísticos de Vigo, A Coruña, Xixón e Avilés, a través de Palencia, León, Monforte e Ourense.

Respecto diso, o Eixo Atlántico remarca que con esta decisión “cúmprese un dos obxectivos” polos que leva traballando “desde hai unha década”. Resalta a “importancia” para a “competitividade” dos portos galegos, que poderán “pór as súas mercadorías en toda Europa en tempos competitivos”, así como o “impulso económico que lle achegará ao interior de Galicia”.

Sobre este extremo, Eixo Atlántico reclama que “dunha vez por todas se cree o porto seco de Monforte”, á vez que chama a axilizar os tempos para a posta en marcha deste corredor e a mellorar as infraestruturas galegas.

Pola súa banda, a eurodeputada do BNG Ana Miranda subliña que o feito de que A Coruña e Vigo “estean incluídas no corredor atlántico era o lóxico desde o minuto cero”.

A continuación, Miranda lembra que esta proposta aínda non está aprobada, a falta do Consello e o Parlamento Europeo, polo que podería sufrir cambios. Por iso, asegura que o Bloque “seguirá facendo toda a presión posible” para que saia adiante.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...