InicioPolíticaIncidencias na apertura dun colexio de Monforte por falta de membros da...

Incidencias na apertura dun colexio de Monforte por falta de membros da mesa

As incidencias principais que se produciron en Galicia foron pola ausencia de membros das mesas, que foron solucionadas coa presenza de membros suplentes ou por persoas indicadas polas correspondentes xuntas electorais.

Publicado o

- Advertisement -

As 3.954 mesas electorais despregadas en Galicia durante a xornada deste domingo con motivo da celebración das eleccións xerais quedaron constituídas ás 9,29 horas. A última foi a situada no Xardín Maternal do Couto, en Ourense, que ampliará o seu horario de votación ata as 20,29 horas.

Así o informou a Delegación do Goberno nun comunicado, no que asegura que “todas as mesas da Coruña, Lugo e Pontevedra abriron con normalidade ás 9,00 horas”, mentres que en Ourense atrasouse o colexio electoral Xan Pío X, ademais da do Xardín Maternal.

As incidencias principais que se produciron foron pola ausencia de membros das mesas. Así, na comarca de Lemos, houbo problemas no colexio electoral As Casiñas da Praza do Campo da Compañía, en Monforte, e seguindo instrucións da Xunta Electoral, constituíuse a mesa tendo como segundo vogal ao primeiro elector desa mesa.

A cidadanía galega elixe ás 23 persoas que representarán ás catro provincias no Congreso e ás 16 do Senado. Poderán optar entre 46 candidaturas ao Congreso, polas 49 de abril, e 44 ao Senado, por 47 dos últimos comicios. O censo de residentes –os chamados a votar hoxe– descende en 3.193 persoas ata as 2.237.423, mentres que o de residentes ausentes creceu en 3.316, ata as 461.225, polo que o aumento global é de 123 persoas. O orzamento global da cita en Galicia é de 3.173.591,66 euros, 5.555,18 euros máis que en abril.

Destaca nestas eleccións o crecemento de solicitudes de kits para votantes con discapacidade visual, que ascende a 119. Supón que case se multiplica por catro o número de solicitudes realizadas na última cita, que foi entón de 33. Ademais, sete persoas solicitaron contar con intérpretes da linguaxe de signos nas mesas electorais nas que foron designadas como membros.

Ás 20 horas pecharanse as mesas e empezará o escrutinio. Con todo, os primeiros datos ao dispor do público chegarán a partir das 21 horas, coincidindo co peche dos colexios electorais en Canarias.

ÚLTIMAS

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...