O Concello de Monforte vai recibir 40.000 euros por parte do goberno autonómico para colaborar na obra de mellora dos accesos ó cemiterio municipal e tamén a varias empresas da contorna, dúas de servizos funerarios e unha cooperativa, que se atopan a escasos metros. Os traballos a realizar no sitio serán a reparación do pavimento que presenta un estado actual moi deteriorado.
Balseiro, delegado da Xunta en Lugo, sinala que este investimento responde ó programa de apoios para a mellora dos servizos municipais que ten en marcha o seu goberno. O obxectivo é potenciar as dotacións dos concellos para que os cidadáns poidan contar cos medios axeitados para ser o motor do desenvolmento económico local.
