HomePolíticaComo mellorar a estrada Paradela-Currelos?

Como mellorar a estrada Paradela-Currelos?

O PP instaba no pleno da Deputación a deixar sen efecto a mellora prevista do pavimento do tramo viario entre Paradela e O Saviñao nunha moción na que para este tramo pedían o ensanche, mellora de trazado e pavimentación.

Publicado o

POR
Redacción
- Advertisement -

O popular, Javier Castiñeira, amosábase moi sorprendido pola reacción do Partido Socialista, “Pediamos que se anule a obra que ten prevista a Deputación para esa estrada, que só prevé a renovación do pavimento; son os veciños e os usuarios os que o piden, porque mentres non se quiten curvas perigosas e se amplíe o seu ancho, non se resolverá de verdade o problema.  É algo que pide tamén o propio Partido Socialista de Paradela e non tendemos como o PSOE da provincia de Lugo non é capaz de entender aos seus propios concelleiros en Paradela”.

Pola súa banda o Deputado de Promoción Económica e Social, Pablo Rivera, sinalaba, “Debe ser a primeira vez na historia que un partido político pide que se anule un investimento nun concello e que non se mellore unha estrada. Os populares instan ao Goberno provincial a deixar sen efecto a prevista mellora do pavimento do tramo viario entre Paradela e O Saviñao.”

Tralo pleno a Deputación de Lugo seguirá adiante co proxecto e o traxecto entre Paradela e o núcleo de Currelos sinalan que quedará “completamente renovado coa reapertura e limpeza de cunetas, a rehabilitación do firme con aglomerado en quente, e o repintado da sinalización.”

O proxecto xa está elaborado e en proceso de licitación por un orzamento que ascende a 542.000€. De feito, xa se reuniu a mesa de contratación para seleccionar a empresa adxudicataria das obras, tras o que se aprobará a adxudicación na Xunta de Goberno. 

Concretamente, a institución provincial mellorará varios tramos do firme da LU-P-4201, de Pacios a Mosteirovello, dende os puntos quilométricos 0 ao 1,235, do 1,405 ao 1,810, e do 3,435 ao 4,200; da LU-P-4205, de Aldosende por Feasita a Foilebar, dende o 2,331 ao 5,924; e a LU-P-5818, da LU-P-4202 a Vila, dende o 0 ao 6,334. En total, a institución provincial acondicionará un total de 12,3 quilómetros da vía. 

ÚLTIMAS

Manuel Diéguez incide na ‘seguridade e coidado do viñedo’ na presentación oficial da 50 edición da ‘Subida Automobilística a Chantada’

Na presentación da 50ª edición da Subida Automobilística a Chantada, o primeiro en falar...

Déixate guiar pola Pobra do Brollón este verán

As visitas vinculadas á arqueoloxía son o Castro de San Lourenzo de Cereixa, Penas...

200 persoas de 13 parroquias de Chantada participaron do programa Actívate no Rural

O Concello de Chantada a través da concellaría de Servizos Sociais organizou desde o...

Panorama e Combo Dominicano nas Festas de Quiroga

O Concello de Quiroga comeza a facer públicas as actuacións das súas festas de...