Este luns día 6 desenvoveranse novos traballos de limpeza da vexetación superficial da Ponte vella. Por este motivo colocarase un guindastre que obrigará  a cortar o tráfico a vehículos e peóns a partir das 7.30 h. e ao longo de toda a mañá.

O alcalde, José Tomé, asegura que a ponte (declarada BIC, Ben de Interés Cultural) é unha das imaxes emblemáticas da cidade e que é prioritario para o equipo de goberno mantela en bo estado, máis no mes de agosto. A comezos do verán xa se limpara a maleza da ponte, pero rebrotou pola abondosas choivas, o que obriga a esta nova actuación.