Este anuncio da Xunta leva a Courel Vivo a asegurar que “a constante presión da ANPA, reclamación e presión da xente, repercusión publica, decenas de reclamacións a valedores, Comisión de Peticións Europea, á mesma Consellaría, funcionan.” E que  a unidade,”aínda que fose a medias, sempre serve para conseguir ó xusto.”

Segundo Courel Vivo, a Xunta de Galicia “recoñece que era unha chapuza e que a xente se deu conta, polo que a clara intención de beneficiar a unha gran empresa, desta vez non colou.”

Agardan que a nova licitación sexa consensuada en cada zona, polo ben dos escolares e para que conserven un transporte de calidade. Lembran que un plan de 177 millóns de euros, “costa diñeiro público deseñalo e cando liciten novamente, volveán a gastar diñeiro público como se nada.” Por iso, desde CV consideran que debería haber dimisións no círculo da Consellería, “non pode ser que se “prevarique” cando sacan unha licitación que saben que non cumpre a lei, que se alteren tempos e se beneficie a grandes empresas, intencionadamente.”

Courel Vivo agradece a todas as persoas que fixeron desta a súa a causa, asociacións e grupos políticos que apoiaron a loita do transporte do Courel.