HomePolíticaOs socialistas do Courel preguntan pola limpeza dos camiños a raíz do...

Os socialistas do Courel preguntan pola limpeza dos camiños a raíz do incendio de Ferreirós de Abaixo

A voceira socialista de Folgoso do Caurel, Carmen Álvarez, preguntará no vindeiro pleno pola limpeza dos camiños en Ferreirós de Abaixo, tralo incendio que aconteceu o pasado 12 de xuño.

Publicado o

POR
Redacción
- Advertisement -

Carmen Álvarez lembra que o Grupo Parlamentario Socialista xa rexistrou iniciativas na Cámara Autonómica sobre os incendios do Courel. Explica que o pasado sábado 12 de xuño declarouse un incendio en Folgoso do Courel, no que ás nove da mañá o incendio xa calcinara 105 hectáreas e seguía activo, resultando un total queimado de 185 hectáreas, segundo a Consellería de Medio Rural das cales 40 son arboradas. Ademais remarca que este lume comezaba na localidade de Ferreirós de Abaixo, acercándose perigosamente ás vivendas. E segundo a mesma fonte participaron nas tarefas de extinción trinta e dúas brigadas forestais, once axentes, un técnico, catorce motobombas, unha pala, oito avións e dous helicópteros.

A voceira socialista argumenta que a Agrupación Socialista de Folgoso, “defendeu unha moción no pleno do mes de agosto de 2018, para que se crearan polo menos 2 brigadas antiincendios, 2 condutores de motobomba, e que se dote do material necesario para o desenvolvemento do seu traballo”.

Nesa liña tamén sinala que no pasado mes de decembro do ano 2020, insistiu noutra sesión plenaria, “na necesidade de acondicionar e limpar o camiño no pobo de Ferreirós de Abaixo, onde aconteceu este incendio”.

Álvarez emprazou ao Concello a revisar o estado actual da limpeza de camiños do Concello de Folgoso do Courel. “A través do Plan Marco para a mellora das estradas de titularidade municipal, o noso Concello ten unha ferramenta útil para a mellora e o acondicionamento así como a limpeza dos nosos camiños. Por iso insistimos na necesidade de actualizar o listado das nosas estradas, co fin que se actúen naquelas que é prioritario”, resumiu.

ÚLTIMAS

O Trail galego das categorías infantil, cadete e xuvenil adéstrase en Chantada

Unha vintena de nenos e nenas chegados de toda Galicia, acompañados polo preparador e...

‘Val de Quiroga de tapas’: a tapa gañadora coñecerase tras o pregón da Feira do Viño de Quiroga

O 'Val de Quiroga de tapas' celebrou a súa décimo terceira edición neste comezo...

Os coidados como saída laboral a debate este 24 de abril no Ecocentro Natureza de Monforte

O vindeiro xoves, 24 de abril, o Ecocentro Natureza de Monforte de Lemos (á...

Búscase cartel para a Feira Guímara da Pobra do Brollón

O Concello da Pobra do Brollón vén de anunciar a convocatoria para o primeiro...