Os populares lamentan que o alcalde de Monforte empregara diñeiro público para lanzar nas festas unha mensaxe electoralista e que non se preocupara de garantir a seguridade nas deficiencias eléctricas, que din, se produciron nas festas. A voceira popular, Julia Rodríguez, pon como exemplo, cables no chan sen ningún tipo de protección, unha caixa de empates colgada nunha tela metálica ou que os xeradores das barracas non cumprían coa normativa. Recordan os populares que levan anos advertindo dos fallos de seguridade nas instalacións eléctricas das barracas.
O Concello é responsable da seguridade cidadá nas festas e desde o P.P. din alegrarse de que non pasara nada, como si aconteceu en Vigo. Piden ao equipo de goberno máis atención aos temas de seguridade, tanto nas instalacións eléctricas temporais como no caso dos derrubes de vivendas.
