O Concello de Folgoso do Courel, non conta con Instituto de Bacharelato nin módulos de Formación Profesional para que a mocidade poida seguir a súa formación académica e poida residir no municipio.

O feito de que non haxa transporte público en todo o concello, fai que sexa difícil o traslado da mocidade a Concellos de referencia comarcal que si teñen ensino non obrigatoria. Desde C@urel Vivo consideran necesario cubrir esa falla de servizos e cren que a Xunta de Galicia, co 100% das competencias en Educación e Transporte Escolar, debería colaborar en cubrir ese servizo.

Na moción solicitan que desde o Concello se teña unha xuntanza con nais e país dos alumnos que rematan estudos obrigatorios no municipio e estean interesados no servizo para coordinar horarios e traxectos e piden solicitarlle á Xunta de Galicia que sufrague ese gasto, e mentres tanto que sexa o Concello de Folgoso do Courel quen o contrate.