InicioPolíticaCourel Vivo denuncia "desfeitas" da CHMS nas presas do río Lor

Courel Vivo denuncia “desfeitas” da CHMS nas presas do río Lor

Courel Vivo asegura que as obras da Confederación son un verdadeiro atentado ao patrimonio inmaterial da pedra en seco; mentres desde o Goberno Local aseguran que só o concello presentou alegacións ao proxecto e acadou que moitas das represas se repectaran.

Publicado o

POR
Redacción
- Advertisement -

Courel Vivo presenta unha reclamación perante a Dirección de Patrimonio cultural de Galicia e perante a Valedora do Pobo, como ente que debe protexer o Proxecto Cultural e Inmaterial de Galicia, pola “desfeita” que a CHMS está a facer no río Lor e afluentes. Segundo esta formación política estanse a derrubar calzadas feitas con Pedra en Seco, o que fíxolles sacar adiante esta reclamación polo que supón de perda de Patrimonio Inmaterial. 

Segundo CV, o proxecto ten varias eivas, entre elas o de dicir que as infraestruturas transversais do cauce poden supoñer un obstáculo para as comunidades piscícolas, “cando de sobras sabemos, os que eiquí vivimos que as calzadas de pedra sobre o río, ofrecen uns represos que fan que críen as troitas. Polo tanto débese paralizar a eliminación das calzadas previstas no proxecto.”

Courel Vivo asegura que se está a facer un verdadeiro atentado ao patrimonio inmaterial da pedra en seco que a Unesco recoñeceu como valor. “Non comprendemos como sendo Xeoparque ou patrimonio da humanidade, se poden cometer tales barbaridades,” sinalan.

Piden, polo tanto, que se paralicen os traballos e se restablezan ditas presas de pedra en seco (algunhas da 1ª Metade do XIX). Lembran que por unanimidade o concello aprobara unha moción presentada por C@urel Vivo para paralizar as actuacións pero “parece que non foi suficiente.”

A este respecto desde o concello aseguran que cando a CHMS presentou o proxecto desde o Goberno local se facilitou e se animou a todo o mundo a facer alegacións ao proxecto e só presentou alegacións o Concello, “que foron parcialmente estimadas e por iso se van respectar algunhas desas represas de chapacuña e non tiralas todas como propuña a CHMS. O Concello foi o único que nese momento presentou alegacións”, insisten desde o Goberno Local.

Calzada pedra en seco (antes) / Courel Vivo

ÚLTIMAS

Roteiro Literario para coñecer as localizacións da novela “A Boca do Monte”, en Quiroga

Preto dun cento de estudantes do IES As Lagoas de Ourense coñeceron o pasado...

O BNG pon en marcha, “Arranxo XA das nosas estradas”, campaña para mellorar as infraestruturas viarias na provincia

O Bloque Nacionalista Galego de Lugo inicia unha nova campaña para reclamar o arranxo...

8ª Andaina polo Corazón de Galicia, o 21 de abril en Chantada

O domingo, 21 de abril, celébrase a 8ª Andaina polo Corazón de Galicia, que...

Que acontece coas Unidades de Drogodependencias dos concellos?

Na última xuntanza dos concellos que contan con Unidades Municipais de Asistencia á Drogodependencia...