Cada vez son máis as familias que contan no seu fogar cunha mascota, na maioría cans, e residentes no centro urbano. “Durante a época de confinamento domiciliario provocado pola pandemia, puxo de manifesto diferentes carencias relativas ós animais domésticos no ámbito urbano, entre elas a necesidade de espazos públicos e de lecer para os cans”, sinalan desde o BNG.

Segundo os nacionalistas trátase de poñer sobre a mesa a convivencia cos animais domésticos nas zonas urbanas. “Monforte como capital da Ribeira Sacra debería ser pioneira na creación de espazos pensados para os cans, nos que estes animais poidan gozar dunha zona de lecer e na que que tamén exista outra que conte con condicións hixiénicas onde poidan facer as súas necesidades,” conclúen desde o BNG.