InicioPolíticaO BNG de Monforte demanda un plan de saneamento para as parroquias...

O BNG de Monforte demanda un plan de saneamento para as parroquias que non contan con el

“Non se pode concibir que a estas alturas do século XXI, aínda non se teñan planificadas as actuacións e investimentos no saneamento en todo o concello”, declara Emilio J. Sánchez, concelleiro do BNG.

Publicado o

POR
Redacción
- Advertisement -

Segundo os nacionalistas para ter un rural vivo e con futuro hai que darlle as ferramentas necesarias para cambiar a tendencia dos últimos anos, unha tendencia que leva a que moitos dos habitantes do rural se trasladen ás cidades, en parte por mor da falta de servizos. Hoxe en día aínda existen unhas cantas parroquias do noso concello sen un servizo tan básico como é o do saneamento”, sinala o voceiro do BNG.

Emilio j. Sánchez destaca que “está claro que a falta de saneamento nas aldeas non contribúe para nada á calidade de vida dos seus/súas habitantes, e convérteos deste xeito nuns cidadáns de segunda clase con respecto ós/ás das cidades.”

O concelleiro do BNG de Monforte lembraralle ó Equipo de Goberno as competencias das entidades locais entre as que se atopa a prestación de servizo de sumidoiros, a construción da rede municipal de sumidoiros e o seu mantemento, o establecemento das zonas que deben contar con sistemas de saneamento individual, ou a execución dos proxectos de obras das redes de saneamento e das EDARs, financiando estes proxectos con cargo aos fondos do Concello.

ÚLTIMAS

Sesión informativa sobre cambios normativos que lle afectan ás persoas con dano cerebral

A Federación Galega de Dano Cerebral (FEGADACE) vén de editar unha 'Guía legal' que recolle os principais...

Bóveda e A Pobra do Brollón acollen os actos de ‘conmemoración do combate de Repil’, episodio de represión franquista en Cereixa

O sábado, 20 de abril, terá lugar unha nova celebración dun acto pola recuperación...

34 candidaturas para a Gala do Deporte de Monforte

O pasado 29 de marzo remataba o prazo para inscribirse na convocatoria, foron 34...

Comezan as obras da residencia da Pobra do Brollón

A empresa Construcciones Castro Figueiró S.L.U. é a encargada de acometer os traballos, que...