InicioPolíticaLuís Pardo Fernández asume a presidencia da xestora do PP de Sarria

Luís Pardo Fernández asume a presidencia da xestora do PP de Sarria

O gran obxectivo é que o partido chegue ás eleccións no 2023 forte e unido para conseguir o goberno de Sarria. E o PPdeG crea a Comisión de Pequenos Concellos do PPdeG da que forman parte 4 lucenses.

Publicado o

POR
Redacción
- Advertisement -

O Partido Popular acaba de nomear presidente da xestora do PP de Sarria a Luís Pardo Fernández (Navia de Suarna, 1965). Pardo Fernández é afiliado do PP dende hai uns 16 anos, profesionalmente é ATS e desempeña a dirección do Centro de Atención a Persoas con Discapacidade, da Consellería de Política Social. Foi concelleiro popular no mandato 2007-2011.

Pardo Fernández di que se dá un mes de prazo para ter totalmente conformada a xestora do partido. O seu obxectivo neste sentido é que nela teñan representación todas as sensibilidade do partido en Sarria. Lembra que son membros natos da xestora os membros do grupo municipal, do que di que leva a cabo un gran labor de oposición ao goberno local, e que non haberá cambio de liña.

O presidente da xestora sinala que o seu traballo terá como liña principal  a de abrir o partido a toda a sociedade de Sarria. “O obxectivo é que o PP chegue ás eleccións do 2023 forte e unido, de maneira que volva gobernar neste municipio,” sinala.

Comisión de pequenos concellos do PP

Catro lucenses forman parte da Comisión de Pequenos Concellos do PPdeG constituída este sábado: o alcalde do Incio, Héctor Corujo, e os portavoces de Cervantes, Javier Santín; Muras, Eugenia Requeijo; e Ribas de Sil, Isaac Lamas. O PP da provincia de Lugo trasládalles a súa noraboa e convídaos a traballar dende a responsabilidade para representar os intereses dos pequenos concellos na provincia.

Comisión Pequenos Concellos PP / PP

ÚLTIMAS

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...

6 empresas locais constrúen novas naves no Polígono dos Acivros, en Chantada

O alcalde de Chantada, Manuel Lorenzo Varela, vén de visitar o Polígono dos Acivros...

A Deputación urxe á Xunta a acometer o desdobramento da totalidade do corredor Nadela-Monforte

O Presidente da Deputación de Lugo, José Tomé Roca, evidenciou a necesidade de completar...

A Xunta reactiva as notificacións para queimas agrícolas

A Xunta de Galicia decidiu volver activar os permisos para queimas agrícolas de particulares....