HomePolítica330.000€ para mellorar servizos e infraestruturas en Taboada co Plan Único

330.000€ para mellorar servizos e infraestruturas en Taboada co Plan Único

O voceiro do PSOE de Taboada, Roi Rigueira sinala que a veciñanza de Taboada recibe máis de 330.000 euros da Deputación de Lugo para mellorar os camiños e accesos municipais, o servicio de axuda a domicilio e a creación de cinco postos de traballo na vila.

Publicado o

POR
Redacción
- Advertisement -

Co acordo de adhesión do Concello de Taboada ao Plan Único da Deputación de Lugo 2022, Rigueira remarcou que “este investimento contribuirá a mellorar as infraestruturas viarias municipais, realizar obras en diversas instalacións públicas e deportivas, así como incentivar a creación de emprego. E no eido dos servicios sociais permitirá reforzar o sistema de axuda no domicilio e contratar persoal para atender a demanda existente”, expuxo.

Con cargo a este orzamento do organismo provincial, realizarase a pavimentación de accesos nos seguintes puntos; O Curro, Fontefría, Igrexa de San Pedro de Bembibre, A Seara, Valboa, Quinzán, Montecelos, e na Rúa Nova en Taboada. Afirmado e pavimentación de accesos en San Martiño de Couto e no Maxal, así como na Facha e en Sonán. Este investimento inclúe tamén melloras no acceso a ribeiras de Sobrecedo (zona de Valdomende), e no acceso a ribeiras en Mourulle e na zona do Clube Náutico. Realizaranse obras de mellora nos vestiarios do campo de fútbol da Medela, ademais dun cambio parcial na cuberta no Pavillón Municipal de Deportes.

Aseguran os socialistas que no que atinxe aos servizos sociais, o Concello de Taboada poderá investir un montante económico de máis de 24.000 euros destinado ao servizo de axuda ao fogar (SAF), para contratar persoal e responder á demanda existente na vila.

Na creación de emprego, a través do Programa Fomento de Emprego da Deputación, “permitirá contratar a tres peóns a xornada completa durante 6 meses, e tamén a dous 2 oficiais a xornada completa durante 6 meses”, remarcou Roi Rigueira.

ÚLTIMAS

Novidosas sinalizacións lumínicas para pasos de cebra no Concello de Monforte

O Concello de Monforte vén de presentar a mellora viaria, con sinalizacións lumínicas en...

A Valedora admite unha queixa por ignorar o Concello de Monforte máis de 8 meses a un aspirante

Lembran desde FAC-USO que o 13/10/2023 convocouse un proceso selectivo para unha praza interina...

Do 27 ao 29 de xullo, festas na parroquia monfortina de Piñeira

O deputado de Mocidade, Daniel García, reuniuse coa Asociación de Festexos de Piñeira, que...

Finalistas da X edición do Concurso de Proxectos Empresariais Semente Ribeira Sacra

A esta X edición do Concurso de Proxectos Empresariais Semente Ribeira Sacra presentáronse 85...